തൃശൂര്‍: തൃശ്ശൂര്‍ ലോക്‌സഭാ മണ്ഡലത്തില്‍ കോണ്‍ഗ്രസും ബിജെപിയും തമ്മിലാണ് മത്സരമെന്ന് ടിഎന്‍ പ്രതാപന്‍ എംപി. തൃശ്ശൂരില്‍ ബിജെപി ബോധപൂര്‍വം വര്‍ഗീയ സംഘര്‍ഷത്തിന് ശ്രമിക്കുന്നു. തെരഞ്ഞെടുപ്പില്‍ ജയിക്കില്ലെന്ന് കണ്ടപ്പോള്‍ സാമുദായിക സംഘര്‍ഷമുണ്ടാക്കാനും വിഭാഗീയത ഉണ്ടാക്കാനുമാണ് ബി.ജെ.പി ശ്രമിക്കുന്നത്. തൃശ്ശൂരില്‍ വര്‍ഗീയ സംഘര്‍ഷമുണ്ടാക്കാന്‍ നോക്കേണ്ടെന്നും അത് നടക്കില്ലെന്നും ടിഎന്‍ പ്രതാപന്‍ പറഞ്ഞു

ആര്‍.എസ്.എസിന്റെയും ബി.ജെ.പിയുടെയും ഏത് വെല്ലുവിളിയും ഏറ്റെടുക്കുന്നു. തനിക്ക് നേരെ ചാണകവെള്ളം തളിക്കാന്‍ ബി.ജെ.പി ജില്ലാ പ്രസിഡന്റ് കെ കെ അനീഷിനെ പ്രതാപന്‍ വെല്ലുവിളിച്ചു. ശരീരത്തിന് മീന്‍ മണമുള്ളവനാണ് താന്‍. ചാണകം മെഴുകിയ തറയില്‍ കിടന്നിട്ടുമുണ്ട്. നിങ്ങള്‍ പറയുന്ന സ്ഥലത്ത് വരാമെന്നും വെല്ലുവിളിക്കുന്നതായും പ്രതാപന്‍ പറഞ്ഞു.

'ചാണകം മെഴുകിയ തറയില്‍ കിടന്നിട്ടുണ്ട്, നിങ്ങള്‍ പറയുന്ന സ്ഥലത്ത് വരാം': ബിജെപിയെ വെല്ലുവിളിച്ച് ടിഎന്‍ പ്രതാപന്‍