കൊച്ചി: സ്വര്‍ണക്കടത്ത് കേസില്‍ എന്‍.ഐ.എ യു.എ.പി.എ ചുമത്തിയ പ്രതികള്‍ക്കെതിരായ പത്ത് സാക്ഷികളുടെ വിവരങ്ങള്‍ രഹസ്യമാക്കി കോടതി ഉത്തരവ്. എന്‍.ഐ.എ അന്വേഷണ സംഘത്തിന്റെ പ്രത്യേക അഭ്യര്‍ഥനയെത്തുടര്‍ന്നാണ് കോടതി നടപടി.

സാക്ഷികളുടെ ജീവന് ഭീഷണിയുണ്ടെന്ന് ചൂണ്ടിക്കാട്ടി എന്‍ഐഎ കോടതിയില്‍ റിപ്പോര്‍ട്ട് നല്‍കിയിരുന്നു. ഇതുകൂടി പരിഗണിച്ചാണ് പത്ത് സാക്ഷികളെ സംരക്ഷിത സാക്ഷികളാക്കി കോടതി ഉത്തരവിറക്കിയത്. ഈ സാക്ഷികളുടെ വിവരങ്ങള്‍ കേസിന്റെ ഉത്തരവുകളിലൊ വിധിന്യായങ്ങളിലൊ പൊതുജനങ്ങള്‍ക്ക് ലഭ്യമാകുന്ന രേഖകളിലൊ ഉണ്ടാവില്ല.