തിരുവനന്തപുരം: നിയമസഭാ തെരഞ്ഞെടുപ്പിനുള്ള സ്ഥാനാർഥികളെ പ്രഖ്യാപിച്ച് ബിഡിജെഎസ്. ആദ്യഘട്ടത്തിൽ 12 മണ്ഡലങ്ങളിലെ സ്ഥാനാർഥികളെയാണ് പ്രഖ്യാപിച്ചത്. തെങ്ങിൻ തോപ്പാണ് തിരഞ്ഞെടുപ്പ് ചിഹ്നം. കേരം തിങ്ങും കേരള നാടിനെ വീണ്ടെടുക്കാൻ ബിഡിജെഎസ് എന്നാണ് മുദ്രാവാക്യം. 

കോട്ടയത്ത് പി അനിൽകുമാറാണ് സ്ഥാനാർഥി. കൊടുവള്ളിയിൽ ​ഗിരി പമ്പനാലും, നിലമ്പൂർ ​ഗിരീഷ് മേക്കാടും ജനവിധി തേടും. അതേസമയം സംസ്ഥാന പ്രസിഡന്റ് തുഷാർ വെള്ളാപ്പള്ളി മത്സര രംഗത്തില്ല. കഴിഞ്ഞ തിരഞ്ഞെടുപ്പിൽ 22 മണ്ഡലങ്ങളിലാണ് ബിഡിജെഎസ് മത്സരിച്ചത്. വിശദമായ ചർച്ചകൾക്ക് ശേഷം ബാക്കി മണ്ഡലങ്ങളിലേക്കുള്ള സ്ഥാനാർഥികളെ കൂടി പ്രഖ്യാപിക്കുമെന്നും തുഷാർ വെള്ളാപ്പള്ളി പറഞ്ഞു.  

അരൂർ- അഡ്വ. പി എസ് ജ്യോതിസ്
കുട്ടനാട്- സന്തോഷ്‌ ശാന്തി
കായംകുളം- തമ്പി മേട്ടുതറ
കോട്ടയം- പി. അനിൽകുമാർ
കടുത്തിരുത്തി- സുരേഷ് എട്ടിക്കുന്നേൽ
ഉടുമ്പൻചോല- സംഗീത വിശ്വനാഥൻ
കുന്നംകുളം- റിജിൽ കെ.ആർ
നെന്മാറ- എ.എൻ. അനുരാഗ്
കൊടുവള്ളി- ഗിരി പമ്പനാൽ
കോട്ടക്കൽ - സുബ്രഹ്മണ്യൻ ചുങ്കപ്പള്ളി
നിലമ്പൂർ - ഗിരീഷ് മേക്കാട്
പേരാവൂർ - പൈലി വാതിയാട്ട്