മനാമ: കൊവിഡ് വൈറസിന്‍റെ പുതിയ വകഭേദം ബഹ്‌റൈനിൽ കണ്ടെത്തിയതായി സ്ഥിരീകരിച്ച സാഹചര്യത്തില്‍ അധികൃതര്‍ വാര്‍ത്താസമ്മേളനം വിളിച്ചു. രാജ്യത്ത് കൊവിഡ് പ്രതിരോധത്തിനായി പ്രവര്‍ത്തിക്കുന്ന നാഷണൽ ടീം അംഗങ്ങളാണ് പുതിയ സാഹചര്യത്തില്‍ പൊതു ജനങ്ങള്‍ ജാഗ്രത പാലിക്കണമെന്ന ആഹ്വാനവുമായി വാർത്താ സമ്മേളനം വിളിച്ചത്. കൊവിഡ് വ്യാപനം തടയുന്നതിന് നൽകിയിട്ടുള്ള മുൻകരുതൽ നിർദേശങ്ങൾ എല്ലാവരും കർശനമായി പാലിക്കണമെന്നും അധികൃതര്‍ ഓർമിപ്പിച്ചു.

     പ്രതിരോധ നടപടികളുടെ ഭാഗമായി ജനുവരി 31മുതൽ മൂന്നാഴ്ചത്തേക്ക് റസ്റോറന്‍റുകളിലും കഫേകളിലും അകത്തിരുന്ന് ഭക്ഷണം കഴിക്കുന്നതും വിലക്കിയിട്ടുണ്ട്. കൂടാതെ, സർക്കാർ, സ്വകാര്യ വിദ്യാഭ്യാസ സ്ഥാപനങ്ങളിൽ നേരിട്ടെത്തിയുള്ള അധ്യയനം നിർത്തിവെക്കണം. ക്ലാസുകളെല്ലാം പഴയതു പോലെ ഓൺലൈനില്‍ തന്നെ തുടരണം. കിന്‍റർഗാർട്ടൺ, ഉന്നത വിദ്യാഭ്യാസ സ്ഥാപനങ്ങൾ, മറ്റു പരിശീലന സ്ഥാപനങ്ങൾ എന്നിവിടങ്ങളിലും ഇത് ബാധകമാണെന്നും അധികൃതര്‍ വിശദീകരിച്ചു.

വാര്‍ത്താസമ്മേളന വീഡിയോ വിവിധ ഭാഷകളിലായി ഇവിടെ കാണാം..