തൃശൂര്‍: നടിയെ ആക്രമിച്ച കേസില്‍ നടന്‍ ദിലീപിനു വീണ്ടും കുരുക്ക്. ദിലീപിന്റെ മൊബൈല്‍ ഫോണ്‍ സര്‍വിസ് ചെയ്ത യുവാവിന്റെ മരണത്തില്‍ ബന്ധുക്കള്‍ ദുരൂഹതയാരോപിച്ചെത്തിയതോടെയാണ് കേസില്‍ സംശയങ്ങളുയരുന്നത്.
തൃശൂര്‍ കോടാലി സ്വദേശി സലീഷാണ് 2020 ആഗസ്റ്റ് മുപ്പതിന് ആക്‌സിഡന്റില്‍ മരിച്ചത്. കാര്‍ റോഡരികിലെ തൂണിലിടിച്ചായിരുന്നു അപകടമെന്നാണ് കേട്ടിരുന്നത്. സലീഷ് കൊച്ചിയിലായിരുന്നു മൊബൈല്‍ ഷോപ്പ് നടത്തിയിരുന്നത്. ഈ കടയിലായിരുന്നു ദിലീപിന്റെ മൊബൈല്‍ സര്‍വിസ് ചെയ്തിരുന്നത്.
എന്നാല്‍ ദിലീപിന്റെ മൊബൈല്‍ സര്‍വിസ് ചെയ്തതിനുശേഷം ദിലീപിനെ കാണാന്‍ പോയിരുന്നുവെന്നും ഇതില്‍ സംശയമുണ്ടെന്നുമാണ് ബന്ധുക്കള്‍ ഉന്നയിക്കുന്ന സംശയം. അതുകൊണ്ടുതന്നെ കേസില്‍ പുനരന്വേഷണം വേണമെന്നാവശ്യപ്പെട്ട് ബന്ധുക്കള്‍ രംഗത്തെത്തിയിരിക്കുകയാണിപ്പോള്‍.