തിരുവനന്തപുരം
സംസ്ഥാനത്തെ ക്രമസമാധാനം തകർച്ചയിലാണെന്ന പ്രതിപക്ഷത്തിന്റെ ആരോപണങ്ങൾക്ക് മറുപടിയുമായി മുഖ്യമന്ത്രി. ഈ സർക്കാർ അധികാരത്തിൽ വന്ന ശേഷം ആറ് രാഷ്ട്രീയ കൊലപാതകങ്ങൾ നടന്നുവെന്നും ഇതിൽ മൂന്ന് എണ്ണത്തിൽ പ്രതികൾ ആർ.എസ്.എസ്, ബി.ജെ.പി പ്രവർത്തകരും രണ്ടെണ്ണത്തിൽ പ്രതികൾ എസ്.ഡി.പി.ഐ പ്രവർത്തകരും ഒരെണ്ണത്തിൽ കോൺഗ്രസുകാരുമാണെന്ന് മുഖ്യമന്ത്രി പറഞ്ഞു. കഴിഞ്ഞ യു.ഡി.എഫ് സർക്കാരിന്റെ കാലത്ത് 1,677 കൊലപാതക കേസുകളുണ്ടായി. കഴിഞ്ഞ എൽ.ഡി.എഫ് സർക്കാരിന്റെ കാലത്ത് 1,516 കൊലപാതക കേസുകളാണ് റിപ്പോർട്ട് ചെയ്തതെന്നും മുഖ്യമന്ത്രി പറഞ്ഞു.