HOME
DETAILS

ആള്‍ക്കൂട്ടം കണ്ട് കാര്‍ഷിക നിയമങ്ങള്‍ പിന്‍വലിക്കില്ല: കൃഷിമന്ത്രി

  
backup
February 23 2021 | 03:02 AM

65416-21

ഗ്വോളിയോര്‍: സമരത്തിലെയും മഹാപഞ്ചായത്തിലെയും ആള്‍ക്കൂട്ടം കണ്ട് കാര്‍ഷിക നിയമങ്ങള്‍ പിന്‍വലിക്കില്ലെന്ന് കേന്ദ്ര കൃഷിമന്ത്രി നരേന്ദ്ര സിങ് തോമര്‍. പുതിയ നിയമങ്ങളില്‍ ഏതെല്ലാമാണ് കര്‍ഷക വിരുദ്ധമെന്ന് സമരം ചെയ്യുന്ന കര്‍ഷക സംഘടനകള്‍ സര്‍ക്കാരിനോട് വ്യക്തമാക്കണമെന്നും അതില്‍ ചര്‍ച്ചയ്ക്ക് തയാറാണെന്നും മന്ത്രി പറഞ്ഞു. കര്‍ഷകരുമായി സംസാരിക്കാന്‍ കേന്ദ്ര സര്‍ക്കാര്‍ തയാറാണ്. സര്‍ക്കാര്‍ കര്‍ഷക സംഘടനകളുമായി 12 തവണ ചര്‍ച്ച നടത്തി. എന്താണ് പുതിയ നിയമങ്ങളില്‍ കര്‍ഷക ദ്രോഹമെന്ന് സംഘടനകള്‍ പറഞ്ഞിട്ടില്ല. നിയമങ്ങള്‍ പിന്‍വലിക്കണമെന്ന് തറപ്പിച്ച് പറയുന്നുണ്ട്. കര്‍ഷക വിരുദ്ധമായ വ്യവസ്ഥകള്‍ എന്താണെന്ന് യൂണിയനുകള്‍ പറഞ്ഞാല്‍ സര്‍ക്കാര്‍ അത് മനസിലാക്കാനും ഭേദഗതികള്‍ വരുത്താനും തയാറാണ്- മന്ത്രി പറഞ്ഞു. 
 
ആള്‍ക്കൂട്ടം സര്‍ക്കാരിനെ മാറ്റുമെന്നത് മറക്കേണ്ട: രാകേഷ് ടിക്കായത്ത്
സോനിപ്പത്ത്: ആള്‍ക്കൂട്ടം വിചാരിച്ചാല്‍ സര്‍ക്കാറിനെ തന്നെ മാറ്റാന്‍ കഴിയുമെന്ന് ഓര്‍ക്കണമെന്ന് രാകേഷ് ടിക്കായത്ത് പറഞ്ഞു. സ്വന്തം കാര്‍ഷിക ഉല്‍പ്പന്നങ്ങള്‍ നശിപ്പിക്കാന്‍ നിര്‍ബന്ധിതരാവുന്നവരാണ് കര്‍ഷകര്‍. അവര്‍ക്കു മുന്നില്‍ നിങ്ങള്‍ ഒന്നുമല്ലെന്ന് മനസിലാക്കുക. കാര്‍ഷിക നിയമങ്ങള്‍ സാധാരണക്കാരനെ തകര്‍ക്കും. അതോടൊപ്പം ഈ സര്‍ക്കാര്‍ ഇന്ധനവില വര്‍ധിപ്പിക്കുകയും പാവപ്പെട്ടവരെ കഷ്ടപ്പെടുത്തുകയും ചെയ്യുന്നു. ഇത് കര്‍ഷകന്റെ മാത്രമല്ല, ഓരോ സാധാരണ തൊഴിലാളിയുടെയും സമരമാണെന്നും ടിക്കായത്ത് പറഞ്ഞു.


Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."