അൽഖോബാർ: ഇക്കഴിഞ്ഞ ഫെബ്രുവരി 28 ന് ഞായര്റാഴ്ച്ച ദഹ്‌റാൻ ജനറല്‍ ആശുപത്രിയില്‍ വെച്ച് നിര്യാതനായ തിരൂര്‍ നിറമരുതൂര്‍ പഞ്ചാരമൂല സ്വദേശി അമ്പാട്ട് പറമ്പില്‍ പരേതരായ മൂസ- സാറുമ്മ എന്നിവരുടെ മകന്‍ അബ്ദുല്‍ മജീദിന്‍റെ (59) ദമാമിൽ ഖബറടക്കി. ദമാം ഫൈസലിയ്യയിലാണ് ഖബറടക്കിയത്. ബീവിയാണ് ഭാര്യ. നൗഫൽ, നൗസിയ, ഫൗസിയ എന്നിവര്‍ മക്കളാണ്.

    ഇരുപത്തിയാറു വര്‍ഷമായി അല്‍കോബാറിലെ റഫ്രിജറേഷന്‍ ഹൗസ് കോണ്‍ട്രാകടിംഗ് കമ്പനിയില്‍ ഇന്സുലേറ്ററായി ജോലി ചെയ്തു വരികയായിരുന്നു. നിയമ നടപടി ക്രമങ്ങള്‍ക്ക്‌ കമ്പനിയിലെ സഹപ്രവര്‍ത്തകനും കെ.എം.സി.സി പ്രതിനിധിയുമായ അസ്ഹറുദ്ധീന്‍ അലനല്ലൂര്‍ നേതൃത്വം നല്‍കി.