കണ്ണൂര്‍: മുഖ്യമന്ത്രി പിണറായി വിജയന്‍ പെരുമാറ്റചട്ടം ലംഘിച്ചെന്നു പരാതി. സംഭവത്തില്‍ കാരണം കാണിക്കാന്‍ ജില്ലാ തിരഞ്ഞെടുപ്പ് ഓഫിസര്‍ മുഖ്യമന്ത്രിക്ക് നോട്ടിസ് അയച്ചു. 48 മണിക്കൂറിനുള്ളില്‍ രേഖാമൂലം വിശദീകരണം ബോധിപ്പിക്കാനാണു നിര്‍ദേശം നല്‍കിയിരിക്കുന്നത്.

തിരഞ്ഞെടുപ്പ് പ്രചാരണത്തോടനുബന്ധിച്ച്  പാര്‍ട്ടി ചിഹ്നം പ്രദര്‍ശിപ്പിച്ച വാര്‍ത്താസമ്മേളനത്തില്‍ അഗതി വൃദ്ധമന്ദിരങ്ങളില്‍ വാക്‌സിന്‍ എത്തിക്കുമെന്ന് പ്രഖ്യാപനം നടത്തിയെന്നാണ് പരാതി.
ഈ പ്രഖ്യാപനം നടത്താന്‍ മുന്‍കൂര്‍ അനുവാദം വാങ്ങിയിരുന്നോ എന്ന് വിശദീകരിക്കണമെന്നാണ് കണ്ണൂര്‍ ജില്ലാ കലക്ടര്‍ നോട്ടിസില്‍ ആവശ്യപ്പെട്ടിരിക്കുന്നത്.