ജിദ്ദ: അന്താരാഷ്ട്ര വിമാനത്താവളത്തിലെത്തുന്ന തീര്‍ത്ഥാടകരെ മക്ക മസ്ജിദുല്‍ ഹറാമിലേക്ക് കൊണ്ടുപോകുന്നതിനും തിരിച്ചെത്തിക്കുന്നതിനും സൗജന്യ ബസ് സര്‍വീസ് ഏര്‍പ്പെടുത്തി. ഒന്നാം ടെര്‍മിനലില്‍ നിന്നാണ് സര്‍വീസ്. ഇഹ്‌റാമിലുള്ള തീര്‍ത്ഥാടകര്‍ക്ക് മാത്രമാണ് സേവനം. ഇതിനായി വിദേശികള്‍ പാസ്‌പോര്‍ട്ടും സ്വദേശികള്‍ തിരിച്ചറിയല്‍ കാര്‍ഡും കൈവശംവയ്ക്കണം.

ജിദ്ദയില്‍ നിന്ന് രാവിലെ 10 മുതല്‍ രാത്രി 10 വരെ ഓരോ രണ്ട് മണിക്കൂറിലും സര്‍വീസുണ്ടാവും. മക്കയില്‍ നിന്ന് ജിദ്ദയിലേക്ക് ഉച്ചയ്ക്ക് 12 മുതല്‍ രാത്രി 12 വരെയാണ് സര്‍വീസെന്നും വിമാനത്താവള അധികൃതര്‍ ട്വിറ്ററിലൂടെ അറിയിച്ചു.