കണ്ണൂര്‍: റോഡ് വികസനവുമായി ബന്ധപ്പെട്ട് ഒഴിപ്പിക്കപ്പെടുന്ന വ്യാപാരികളുടെ സംരക്ഷണം ഉറപ്പു വരുത്തണമെന്നും ഒഴിപ്പിക്കപ്പെടുന്ന വ്യാപാരികള്‍ക്ക് 10 ലക്ഷം രൂപ നഷ്ടപരിഹാരം നല്‍കാന്‍ തയാറാവണമെന്നും ആവശ്യപ്പെട്ട് വ്യാപാരി വ്യവസായി സമിതി ജില്ലാ കമ്മിറ്റിയുടെ നേതൃത്വത്തില്‍ കലക്ടറേറ്റ് മാര്‍ച്ചു നടത്തി. ടി.വി രാജേഷ് എം.എല്‍.എ ഉദ്ഘാടനം ചെയ്തു. പ്രസിഡന്റ് ചാക്കോ മുല്ലപ്പള്ളി അധ്യക്ഷനായി. സെക്രട്ടറി വി ഗോപിനാഥ്, ആക്ഷന്‍ കമ്മിറ്റി ചെയര്‍മാന്‍ അരക്കന്‍ ബാലന്‍, ജയരാജന്‍ പുത്തലത്ത്, എം.എ ഹമീദ് ഹാജി, കെ.കെ സഹദേവന്‍, വി.പി മൊയ്തു, പി വിജയന്‍, അബ്ദുല്‍ ലത്തീഫ്, കെ.വി ഉണ്ണികൃഷ്ണന്‍ സംസാരിച്ചു.