കൊല്ലം: തെരഞ്ഞെടുപ്പ് പ്രചാരണ രംഗത്ത് പല വിധത്തിലുള്ള ആരോപണങ്ങളും പ്രത്യാരോപണങ്ങളും കാലുവാരലുകളും കേള്‍ക്കാരുണ്ട്. ഇതില്‍ നിന്നെല്ലാം വ്യത്യസ്ഥമാണ് കുന്നത്തൂരില്‍ നിന്നുള്ളത്. യു.ഡി.എഫ് സ്ഥാനാര്‍ഥി ഉല്ലാസ് കോവൂരിന്റെ വീടിന് മുന്നില്‍ കൂടോത്രം ചെയ്തതെന്ന് തോന്നിപ്പിക്കുന്ന തരത്തില്‍ കോഴിമുട്ടകളും നാരങ്ങയും കണ്ടെത്തിയതാണ് കൗതുകമായത്.

മന്ത്രവാദ കര്‍മ്മങ്ങള്‍ക്ക് ഉപയോഗിച്ചതെന്ന് തോന്നിപ്പിക്കുന്ന തരത്തിലുള്ള രണ്ട് മുട്ടകളും ഒരു നാരങ്ങയും ഇന്ന് രാവിലെ കണ്ടെത്തിയത്. വീട്ടുമുറ്റത്തെ കിണറിന് സമീപമുള്ള പ്ലാവിന്റെ ചുവട്ടിലാണ് വാഴയിലയില്‍ വച്ച നിലയില്‍ മുട്ടകളും നാരങ്ങയുമുണ്ടായിരുന്നത്. മുട്ടയുടെ ഒരു ഭാഗത്ത് ശത്രുവെന്നും മറുവശത്ത് ഓം എന്നും എഴുതിയിട്ടുണ്ട്. ഒരു മുട്ടയില്‍ ചുവന്ന നൂല്‍ ചുറ്റിവരിഞ്ഞിട്ടുണ്ട്.