റാസല്‍ഖൈമ: ഫുട്ബാള്‍ കളിക്കാന്‍ തയാറെടുക്കുന്നതിനിടെ പ്രവാസി യുവാവ് ടര്‍ഫില്‍ കുഴഞ്ഞുവീണ് മരിച്ചു. നിലമ്പൂര്‍ വടപുറം ചിറ്റങ്ങാടന്‍ വീട്ടില്‍ മൂസക്കുട്ടിയുടെയും സോഫിയയുടെയും മകന്‍ ആശിഖാണ് (24) മരിച്ചത്.

റാസല്‍ഖൈമ അല്‍ഗൈലില്‍ ഇന്നലെ വൈകീട്ടാണ് സംഭവം. ടര്‍ഫില്‍ കളിക്കാന്‍ ഇറങ്ങുന്നതിന് മുമ്പ് ക്ഷീണം തോന്നിയ ആശിഖ് ഗ്രൗണ്ടിന് സമീപം ഇരുന്നു. പിന്നീട് കുഴഞ്ഞുവീഴുകയായിരുന്നുവെന്ന് സുഹൃത്തുക്കള്‍ അറിയിച്ചു. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.