തിരുവനന്തപുരം: 2021ല്‍ വിളവൂര്‍ക്കലില്‍ 12 വയസ്സുകാരനെ പീഡിപ്പിച്ച കേസില്‍ പ്രതി അറസ്റ്റില്‍. ആലപ്പുഴ സ്വദേശി സൂര്യനാരായണനാണ് അറസ്റ്റിലായത്. തിരുവനന്തപുരം വിളവൂര്‍ക്കലില്‍ ആശ്രമം നടത്തുന്നതിനിടെയാണ് പൂജാരിയായ ഇയാള്‍ കുട്ടിയെ പീഡിപ്പിച്ചത്.

തമിഴ്‌നാട്ടില്‍ ആശ്രമം നടത്തുകയായിരുന്ന ഇയാളെ മലയന്‍കീഴ് പൊലിസ് സ്ഥലത്തെത്തി പിടികൂടുകയായിരുന്നു. പൂജ കര്‍മ്മങ്ങളുടെ പേര് പറഞ്ഞ് ഇയാള്‍ കുട്ടിയുടെ മാതാപിതാക്കളുമായി ബന്ധം സ്ഥാപിച്ചിരുന്നു. പൂജാ കര്‍മ്മങ്ങള്‍ക്കായി കുടുംബം ഇയാളെ സമീപിച്ചിട്ടുമുണ്ടായിരുന്നു. ആ സമയത്താണ് കുട്ടി പീഡനത്തിനിരയായതെന്ന് പൊലിസ് പറഞ്ഞു.

ഒരു വര്‍ഷത്തോളം കുട്ടി പീഡനം നേരിട്ട വിവരം മാതാപിതാക്കള്‍ മനസ്സിലാക്കിയിരുന്നില്ല. ചൈല്‍ഡ് വെല്‍ഫെയര്‍ കമ്മിറ്റിക്കു മുന്നില്‍ കുട്ടിയെ ഹാജരാക്കിയതോടെയാണ് പീഡന വിവരം പുറത്തായത്. ഇതിനു പിന്നാലെ പ്രതി തമിഴ്‌നാട്ടിലേക്ക് മാറുകയായിരുന്നു.