രാവണീശ്വരം: ഗവ.ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ ആഭിമുഖ്യത്തില്‍ സ്‌കൂളില്‍ ജൈവകൃഷിക്കു തുടക്കം കുറിച്ചു. വിദ്യാര്‍ഥികള്‍ ശേഖരിച്ച പലയിനം പച്ചക്കറികളുടെ വിത്തിടല്‍ പ്രിന്‍സിപ്പല്‍ കെ ബാലന്‍ ഉദ്ഘാടനം ചെയ്തു. പ്രധാനധ്യാപകന്‍ പി.കെ സുരേന്ദ്രന്‍, പി.കെ പ്രേമരാജന്‍ സംസാരിച്ചു. ജൈവ കര്‍ഷകന്‍ കെ.വി കാമരാജന്‍ വിദ്യാര്‍ഥികള്‍ക്കു നിര്‍ദേശങ്ങള്‍ നല്‍കി.
നൂറോളം എന്‍.എസ്.എസ് അംഗങ്ങളാണ് സ്‌കൂള്‍ വളപ്പില്‍ പച്ചക്കറി, വാഴ, മരച്ചീനി എന്നിവ നട്ടത്. എന്‍.എസ്.എസ്.പ്രോഗ്രാം ഓഫിസര്‍ സി പ്രവീണ്‍കുമാര്‍, രാജേഷ് കരിപ്പാല്‍, പി.എ ശ്രീകുമാര്‍, കെ.ആര്‍ ചന്ദ്രന്‍, വി വൈശാഖ് എന്നിവര്‍ നേതൃത്വം നല്‍കി.