കോഴിക്കോട്: മുഖ്യമന്ത്രി പിണറായി വിജയനു നേരെ കരിങ്കൊടി കാട്ടിയ നാല് യൂത്ത് കോണ്‍ഗ്രസ് പ്രവര്‍ത്തകരെ പൊലിസ് കസ്റ്റഡിയിലെടുത്തു. പ്രതിഷേധത്തിനിടെയുണ്ടായ മല്‍പ്പിടിത്തത്തിനിടയില്‍ നടക്കാവ് എസ്.ഐ പവിത്രന് പരുക്കേറ്റു.

രണ്ട് കെ.എസ്.യു പ്രവര്‍ത്തകരെയും യുവമോര്‍ച്ച പ്രവര്‍ത്തകരെയും കസ്റ്റഡിയിലെടുത്തിട്ടുണ്ട്. കോഴിക്കോട് വെസ്റ്റ് ഹില്ലില്‍ നിന്നാണ് രണ്ട് കെ.എസ്.യു പ്രവര്‍ത്തകരെ കസ്റ്റഡിയിലെടുത്തത്. പ്രതിപക്ഷ സംഘടനകളുടെ കടുത്ത പ്രതിഷേധങ്ങളെത്തുടര്‍ന്ന് കനത്ത സുരക്ഷയിലാണ് മുഖ്യമന്ത്രി കോഴിക്കോട്ട് പരിപാടിക്കെത്തിയത്.

കാട്ടിലപ്പീടിക, എരഞ്ഞിപ്പാലം, ഈസ്റ്റ് ഹില്‍ എന്നിവിടങ്ങളില്‍ വച്ചാണ് കെ.എസ്.യു പ്രവര്‍ത്തകര്‍ കരിങ്കൊടി കാട്ടിയത്.