തിരുവനന്തപുരം: നിയമസഭ തെരഞ്ഞെടുപ്പില്‍ നേരിട്ട തോല്‍വിയുടെ ഉത്തരവാദിത്വം തന്റെ തലയില്‍ കെട്ടിവയ്‌ക്കേണ്ടെന്ന് മുല്ലപ്പള്ളി രാമചന്ദ്രന്‍. കെ.പി.സി.സി പ്രസിഡന്റ് സ്ഥാനം സ്വയം രാജിവെക്കില്ലെന്നും അതേ സമയം ഹൈക്കമാന്‍ഡ് ആവശ്യപ്പെട്ടാല്‍ രാജിവയ്ക്കുമെന്നും അദ്ദേഹം കൂട്ടിചേര്‍ത്തു. പോരാട്ടത്തില്‍ തോറ്റിട്ട് ഇട്ടെറിഞ്ഞ് പോകില്ലെന്നും മുല്ലപ്പള്ളി പറഞ്ഞു.

തെരഞ്ഞെടുപ്പില്‍ നേരിട്ട പരാജയത്തിന് പിന്നാലെ മുല്ലപ്പള്ളി കെ.പി.സി.സി പ്രസിഡന്റ് സ്ഥാനം രാജിവെക്കണമെന്ന ആവശ്യം ഉയര്‍ന്നിരുന്നു.ഇതിന് പിന്നാലെയാണ് പ്രതികരണവുമായി മുല്ലപ്പള്ളി രംഗത്തെത്തിയത്.