കൊച്ചി: തൃക്കാക്കരയില്‍ ഇടതുമുന്നണി സ്ഥാനാര്‍ഥി നിര്‍ണയത്തിലെ വിമര്‍ശനങ്ങള്‍ക്കെതിരേ സി.പി.എം പോളിറ്റ്ബ്യൂറോ അംഗം എ. വിജയരാഘവന്‍. ഡോ.ജോ ജോസഫ് സി.പി.എം അംഗമാണെന്നും അതുകൊണ്ടുതന്നെ അദ്ദേഹം സി.പി.എം സ്ഥാനാര്‍ഥിയാണെന്നും വിജയരാഘവന്‍ പറഞ്ഞു.ക്കാര്യത്തില്‍ സഭയെ കൂട്ടിക്കുഴക്കേണ്ട ആവശ്യമില്ല. എ.വിജയരാഘവന്‍ പ്രതികരിച്ചു.

മറ്റൊന്നും പറയാനില്ലാത്തവരാണ് ഇത്തരം വിവാദങ്ങളുണ്ടാക്കുന്നതെന്നും വിജയരാഘവന്‍ കൂട്ടിച്ചേര്‍ത്തു. സഹതാപ തംരംഗം എന്നും കോണ്‍ഗ്രസിന്റെ പാരമ്പര്യമാണെന്നും അദ്ദേഹം പറഞ്ഞു. സഹതാപം എക്കാലത്തും വോട്ടാക്കിയത് കോണ്‍ഗ്രസാണെന്നും എന്നാല്‍ സഹതാപ തരംഗത്തിന്റെ ആ കാലം കഴിഞ്ഞെന്നും വിജയരാഘവന്‍ പറഞ്ഞു.