ന്യൂഡൽഹി
ഒരു ക്രിമിനലിനെയാണ് ബി.ജെ.പി സംരക്ഷിക്കുന്നതെന്നും ഇതിനായി ഡൽഹി, ഹരിയാന പൊലിസിനെ ദുരുപയോഗം ചെയ്യുകയാണെന്നും ആംആദ്മി പാർട്ടി കുറ്റപ്പെടുത്തി. അതിക്രമിച്ച് കടക്കൽ, ആളുകളെ ദ്രോഹിക്കൽ, കലാപമുണ്ടാക്കൽ തുടങ്ങി നിരവധി കേസുകളിൽ പ്രതിയാണ് ബാഗ. നിരപരാധിയാണെങ്കിൽ എന്തുകൊണ്ട് മറുപടി നൽകിയില്ലെന്നും അതിഷി ചോദിച്ചു. കലാപകാരിയെ സംരക്ഷിക്കാൻ ബി.ജെ.പി ഏതറ്റം വരെയും പോകുമെന്നാണ് ഇതിൽ നിന്ന് വ്യക്തമാകുന്നതെന്നും ആംആദ്മി പാർട്ടി നേതാവ് അതിഷി പറഞ്ഞു. പഞ്ചാബിലും ഡൽഹിയിലും വർഗീയ കലാപമുണ്ടാക്കാൻ ശ്രമം നടത്തിയയാളാണ് ബാഗയെന്നും അതിഷി പറഞ്ഞു.