വിദേശത്തേക്ക് മടങ്ങേണ്ടവര്‍ക്ക് വേഗത്തില്‍ വാക്‌സിന്‍ ലഭ്യമാക്കും
തിരുവനന്തപുരം: കൊവിഡ് ബാധിച്ച് മാതാപിതാക്കള്‍ മരിച്ച കുട്ടികളെ സര്‍ക്കാര്‍ സംരക്ഷിക്കുമെന്ന് മുഖ്യമന്ത്രി പിണറായി വിജയന്‍. ഇതുസംബന്ധിച്ച നടപടികള്‍ പരിശോധിച്ച് തീരുമാനമെടുക്കുമെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.

വിദേശത്തേക്ക് മടങ്ങേണ്ടവര്‍ക്ക് നിശ്ചിത ദിവസത്തിനുള്ളില്‍ വാക്‌സിന്‍ ലഭ്യമാക്കുന്നത് പരിശോധിക്കും. വാക്‌സിന്‍ മുന്‍ഗണനാ പട്ടികയില്‍ ബാങ്ക് ജീവനക്കാരെയും ഉള്‍പ്പെടുത്തും. ഹയര്‍ സെക്കന്‍ഡറി പരീക്ഷകള്‍ മാസ്‌ക് ധരിച്ചാണ് എഴുതേണ്ടതെന്നും എല്ലാ വിധത്തിലുള്ള മുന്‍കരുതലുകളും പരീക്ഷാ നടത്തിപ്പില്‍ ഉണ്ടാകുമെന്നും മുഖ്യമന്ത്രി പറഞ്ഞു.