പാലക്കാട്: കാട്ടില്‍ വിറക് ശേഖരിക്കാന്‍ പോയ വീട്ടമ്മയെ ആന ചവിട്ടിക്കൊന്നു. പാലക്കാട് പാലക്കാട് കഞ്ചിക്കോട് പനങ്കാട് വീട്ടില്‍ സുബ്രഹ്മണ്യന്റെ ഭാര്യ അഞ്ജലി ദേവി (52) ആണ് മരിച്ചത്. ചൊവ്വാഴ്ച രാവിലെ ഒന്‍പതു മണിയോടെയാണ് സംഭവം.

വാളയാര്‍ കഞ്ചിക്കോട് വലിയേരി കുപ്പാലന്‍ചള്ള എന്ന സ്ഥലത്താണ് സംഭവം നടന്നത്. അയല്‍ക്കാരോടൊപ്പം കാട്ടില്‍ വിറക് പെറുക്കാന്‍ പോകുന്നതിനിടെയാണ് സംഭവം. മറ്റുള്ളവര്‍ ഓടിരക്ഷപ്പെട്ടെങ്കിലും അഞ്ജലിയെ ആന ആക്രമിക്കുകയായിരുന്നു.

മക്കള്‍: ശിവന്‍, മുത്തുച്ചാമി, നാഗരാജ്, മഹേശ്വരി.