ഒരു തവണ മാത്രം കേള്‍ക്കാന്‍ കഴിയുന്ന ഓഡിയോ മെസേജ് ഓപ്ഷന്‍ കൂടെ അവതരിപ്പിക്കാനൊരുങ്ങി വാട്‌സ് ആപ്പ്. വാട്ട്‌സ് ആപ്പിലെ വ്യൂ വണ്‍സ് ഓപ്ഷന് സമാനമാണ് പ്ലേ വണ്‍സ് ഓഡിയോ എന്ന പുതിയ ഓപ്ഷന്‍. സന്ദേശം ലഭിക്കുന്ന ആള്‍ക്ക് ഒരു തവണ മാത്രം കേള്‍ക്കാന്‍ കഴിയുന്ന രീതിയില്‍ വോയിസ് അയക്കാനാകും എന്നതാണ് ഇതിന്റെ പ്രത്യേകത.

പ്ലേ വണ്‍സ് ഓപ്ഷന്‍ വരുന്നതോടെ ഓഡിയോ മെസെജുകള്‍ സേവ് ചെയ്യാനോ, ഷെയര്‍ ചെയ്യാനോ, റെക്കോര്‍ഡ് ചെയ്യാനോ ആകില്ല. വാട്ട്‌സാപ്പിന്റെ ബീറ്റ ടെസ്റ്റര്‍മാര്‍ക്കായി വൈകാതെ ഈ ഓപ്ഷന്‍ അവതരിപ്പിക്കും. തുടര്‍ന്ന് എല്ലാ യൂസര്‍മാര്‍ക്കും ഇത് ലഭ്യമാക്കാനാണ് നീക്കം.