തിരുവനന്തപുരം: പ്രതിപക്ഷ നേതാവ് വി.ഡി സതീശനെ കടന്നാക്രമിച്ച് എന്‍.എസ്.എസ്. മത-സാമുദായിക സംഘടനകളെ നിലവാരം കുറഞ്ഞ ഭാഷയില്‍ വിമര്‍ശിക്കുകയാണെന്നും കോണ്‍ഗ്രസിന്റെ പാരമ്പര്യം
ഇതാണോയെന്നും ജനറല്‍ സെക്രട്ടറി കെ സുകുമാരന്‍ നായര്‍ പ്രസ്താവനയില്‍ ചോദിച്ചു.

സമുദായസംഘടനകള്‍ രാഷ്ട്രീയത്തിലെ കാര്യങ്ങള്‍ തീരുമാനിക്കുന്ന സ്ഥിതിയുണ്ടാകരുതെന്ന സതീശന്റെ പ്രസ്താവനയാണ് എന്‍.എസ്.എസിനെ ചൊടിപ്പിച്ചത്.സതീശനും തങ്ങളുടെ പിന്തുണ തേടിയ ആളാണെന്നും അതിന് ശേഷം തള്ളിപ്പറയുന്നത് ശരിയല്ലെന്നും എന്‍.എസ്.എസ് പ്രസ്താവനയില്‍ പറയുന്നു.

പുതിയ സ്ഥാനലബ്ധിയില്‍ മതിമറന്ന് പ്രസ്താവനകളിറക്കുന്നു. നിലവാരം കുറഞ്ഞ ഭാഷയാണ് സതീശന്റേതെന്നും എന്‍.എസ്.എസ് വിമര്‍ശിച്ചു.പാര്‍ട്ടിയുടെ നയപരമായ നിലപാട് വ്യക്തമാക്കേണ്ടത് കെ.പി.സി.സിയാണെന്നും പ്രസ്താവനയില്‍ പറയുന്നു.