ന്യൂഡല്‍ഹി: കോണ്‍ഗ്രസ് നേതാക്കളായ രാഹുല്‍ ഗാന്ധിക്കും സോണിയാ ഗാന്ധിക്കും എന്‍ഫോഴ്സ്മെന്റ് നോട്ടിസ്. നാഷണല്‍ ഹെറാള്‍ഡ് കേസില്‍ ചോദ്യം ചെയ്യലിന് ബുധനാഴ്ച ഹാജരാകണമെന്നാവശ്യപ്പെട്ടാണ് നോട്ടിസ് നല്‍കിയിരിക്കുന്നത്.
അതേ സമയം സംഭവത്തെ അപലപിച്ചും കേസ് രാഷ്ട്രീയ പ്രേരിതമാണെന്ന് ആരോപിച്ചും കോണ്‍ഗ്രസ് രംഗത്തെത്തി.

ബി.ജെ.പി എം.പി സുബ്രഹ്മണ്യന്‍ സ്വാമി നല്‍കിയ ഹരജിയിലായിരുന്നു നടപടി. നാഷണല്‍ ഹെറാള്‍ഡ് പത്രത്തിന്റെ കൈമാറ്റത്തില്‍ വഞ്ചനയും സാമ്പത്തിക തട്ടിപ്പും ആരോപിച്ചാണ് സുബ്രഹ്മണ്യന്‍ സ്വാമി ഹരജി നല്‍കിയത്.

രാഷ്ട്രീയ എതിരാളികളെ നിശബ്ദരാക്കാനുള്ള ശ്രമമാണ് ഇതിനുപിന്നിലെന്ന് കോണ്‍ഗ്രസ് ആരാപിച്ചു. നാഷണല്‍ ഹെറാള്‍ഡ് കേസില്‍ നേരത്തെ ഇരുവര്‍ക്കും ഡല്‍ഹി ഹൈക്കോടതി നോട്ടിസ് നല്‍കിയിരുന്നു.