ന്യൂഡല്‍ഹി: കൊതുകിനെ മുട്ടയിട്ട് പെരുകാനുള്ള അന്തരീക്ഷം ഉണ്ടാക്കരുതെന്ന് കാണിച്ച് രാഷ്ട്രപതി ഭവന് അമ്പതിന് മുകളില്‍ തവണ നോട്ടീസ് നല്‍കി ഡെല്‍ഹി മുന്‍സിപ്പല്‍ കോര്‍പ്പറേഷന്‍. 2016 ജനുവരി മാസം മുതല്‍ ഇത് വരെയാണ് ഇത്ര നോട്ടീസ് നല്‍കിയത്. രാഷ്ട്രപതി ഭവന്‍ ഉള്‍പ്പെടുന്ന 320 ഏക്കറിലാണ് കൊതുകള്‍ ഉണ്ടാവുന്നതെന്നാണ് മുന്‍സിപ്പല്‍ കൗണ്‍സിലിന്റെ കണ്ടെത്തല്‍. ഈ വര്‍ഷം ഡെങ്കി പനി കേസുകള്‍ ഡല്‍ഹിയില്‍ നിരവധി റിപ്പോര്‍ട്ട് ചെയ്തതിനെ തുടര്‍ന്നാണ് രാഷ്ട്രപതി ഭവനിലേതടക്കം കൊതുക് വളര്‍ച്ചക്കെതിരെ നോട്ടീസ് നല്‍കാന്‍ കൗണ്‍സില്‍ തീരുമാനിച്ചത്. രാഷട്രപതി ഭവന്‍, ജീവനക്കാരുടെ ക്വാര്‍ട്ടേര്‍സുകള്‍, വെള്ളം കിട്ടി കിടക്കുന്ന സ്ഥലങ്ങള്‍ ഇവയെല്ലാമാണ് കൊതുകുകളെ വളര്‍ത്തുന്നതെന്ന് ഉദ്യോഗസ്ഥന്‍ പറഞ്ഞു.