പയ്യന്നൂര്‍: ഡി.വൈ.എഫ്.ഐ നേതാവിനെ കാപ്പ ചുമത്തി ജയിലിലടച്ചതിലും പൊലീസിന്റെ ഏകപക്ഷീയമായ നിലപാടിലും പ്രതിഷേധിച്ച് സി.പി.എം പ്രവര്‍ത്തകര്‍ പയ്യന്നൂര്‍ പൊലിസ് സ്റ്റേഷന്‍ ഉപരോധിക്കുന്നു. രാവിലെ ഒന്‍പത് മണിയോടെയാണ് ഉപരോധം ആരംഭിച്ചത്. സി.പി.എം കണ്ണൂര്‍ ജില്ലാ സെക്രട്ടറിയേറ്റ് അംഗം സി. കൃഷ്ണന്‍ എല്‍.എല്‍.എ ഉള്‍പ്പടെയുള്ളവര്‍ സ്റ്റേഷന് മുന്നില്‍ കുത്തിയിരിക്കുകയാണ്. സമരത്തിന് ഐക്യദാര്‍ഡ്യം പ്രകടിപ്പിച്ച് പ്രകടനമായെത്തിയ ഡിവൈഎഫ്‌ഐ പ്രവര്‍ത്തകര്‍ സ്റ്റേഷനകത്തേക്ക് കയറാന്‍ ശ്രമിച്ചത് ഉന്തിനും തള്ളിനും ഇടയാക്കി. തളിപ്പറമ്പ ഡിവൈഎസ്പി അരവിന്ദാക്ഷന്‍ ഉള്‍പ്പടെയുള്ളവര്‍ സ്ഥലത്തുണ്ട്.