തിരുവനന്തപുരം: കെ.എം മാണിയും മുന്‍മുഖ്യമന്ത്രിയും ഒരേ തൂവല്‍പക്ഷികളാണെന്ന് പി.സി ജോര്‍ജ്. കെ.എം മാണി യു.ഡി.എഫ് വിട്ടത് ഉമ്മന്‍ചാണ്ടിയുടെ നിര്‍ദേശപ്രകാരമാണെന്നും പി.സി ജോര്‍ജ് പറഞ്ഞു.
എന്നാല്‍, കോണ്‍ഗ്രസ്സിന്റെ മുതിര്‍ന്ന നേതാക്കളിലൊരാള എ.കെ ആന്റണിയുടെ നാടുകടത്തലിന് പിന്നില്‍ ഉമ്മന്‍ ചാണ്ടിയും മാണിയും കുഞ്ഞാലിക്കുട്ടിയുമാണെന്ന് പി.ജി. ജോര്‍ജ് മാധ്യമപ്രവര്‍ത്തകരോട് പറഞ്ഞു. പമ്പയില്‍ ശബരിമല അവലോകന യോഗത്തില്‍ പ്രയാര്‍ ഗോപാലകൃഷ്ണന്‍ പെരുമാറിയത് മതഭ്രാന്തനെ പോലെയാണെന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ ദിവസം കോണ്‍ഗ്രസ്സിലെ ഗ്രൂപ്പ് പോരിനെതിരേ എ.കെ ആന്റണി രംഗത്തെത്തിയിരുന്നു. ഗ്രൂപ്പുകള്‍ തമ്മിലുള്ള തമ്മിലടി നിര്‍ത്തണമെന്നും അടി തുടര്‍ന്നാല്‍ കോണ്‍ഗ്രസ് വിട്ടുപോയവര്‍ തിരിച്ചുവരില്ലെന്നും അദ്ദേഹം പറഞ്ഞിരുന്നു. പാര്‍ട്ടിയില്‍ തലമുറ കൈമാറ്റം വേണമെന്നും ആന്റണി പറഞ്ഞിരുന്നു. എന്നാല്‍, പ്രസ്താവന വിവാദമായതോടെ മറുപടിയുമായി ആന്റണി രംഗത്തെത്തിയിരുന്നു.