ന്യൂഡല്‍ഹി:ഡല്‍ഹിയില്‍ ഐ.ടി ജീവനക്കാരിയായിരുന്ന ജിഗിഷ ഷോഘിനെ കൊലപ്പെടുത്തിയ കേസില്‍ രണ്ടു പ്രതികള്‍ക്ക് വധശിക്ഷയും മറ്റൊരു പ്രതിക്ക് ജീവപര്യന്തം ശിക്ഷയും വിധിച്ചു. ഡല്‍ഹി സാകേത് കോടതിയാണ് ശിക്ഷ പ്രഖ്യാപിച്ചത്. പ്രതികളായ രവി കപൂര്‍, അമിത് ശുക്ല എന്നിവര്‍ക്കാണ് വധശിക്ഷ വിധിച്ചത്. മൂന്ന് പ്രതികളും കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു.

കണ്‍സള്‍ട്ടന്‍സി സ്ഥാപനത്തിലെ ഓപ്പറേഷന്‍ മാനേജരായിരുന്ന 28 കാരിയായ ജിഗിഷ 2009 ലാണ് കൊല്ലപ്പെടുന്നത്. ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന ജിഗിഷയെ തട്ടിക്കൊണ്ടുപോയി കൊലപ്പെടുത്തുകയായിരുന്നു. മൂന്ന് ദിവസത്തിന് ശേഷം ഹരിയാനയിലെ സൂരജ്കുണ്ഡിന് സമീപത്തു നിന്നാണ് മൃതദേഹം കണ്ടെത്തിയത്.

പ്രതികള്‍ പെണ്‍കുട്ടിയുടെ ഡെബിറ്റ് കാര്‍ഡ് ഉപയോഗിച്ച് സാധനങ്ങള്‍ വാങ്ങുന്നതിന്റെ സിസി ടിവി ദൃശ്യങ്ങളില്‍ നിന്നാണ് പ്രതികളെ ക്കുറിച്ചുള്ള സൂചന ലഭിച്ചത്.