ചെന്നൈ: തീവ്രവാദികളുടെ ഭീഷണി മൂലം എഴുത്ത് നിര്‍ത്തിയ പ്രശസ്ത തമിഴ് എഴുത്തുകാരന്‍ പെരുമാള്‍ മുരുകന്‍ തന്റെ എഴുത്തുകളുമായി തിരിച്ചുവരുന്നു. 200 രഹസ്യ കവിതകളുമായാണ് അദ്ദേഹം തിരിച്ചുവരുന്നത്. കോഴയിന്‍ പാടല്‍കള്‍( ഭീരുവിന്റെ കവിതകള്‍) എന്നാണ് സമാഹാരത്തിന് പേര് നല്‍കിയിരിക്കുന്നത്.

2014 ലാണ് അദ്ദേഹം എഴുത്ത് നിര്‍ത്തുന്നതായി പ്രഖ്യാപിച്ചിരുന്നത്. 'എഴുത്തുകാരന്‍ പെരുമാള്‍ മുരുകന്‍ മരിച്ചു. അയാള്‍ ഒരു ദൈവമല്ല അതിനാല്‍ അയാള്‍ക്ക് ഉയിര്‍ത്തെഴുന്നേല്‍ക്കാനും സാധിക്കില്ല. ഇപ്പോള്‍ അയാളൊരു അധ്യാപകന്‍ മാത്രമാണ്' അന്ന് പെരുമാള്‍ മുരുകന്‍ ഫെയ്‌സ്ബുക്കില്‍ കുറിച്ചതിങ്ങനെയായിരുന്നു.

അത് കഴിഞ്ഞ് 20 മാസങ്ങള്‍ക്കിപ്പുറമാണ് പെരുമാള്‍ മുരുകന്‍ എഴുത്തിലേക്ക് തിരിച്ചു വരുന്നത്.
പെരുമാള്‍ മുരുകന്റെ പുസ്തകം 'മാതൊരു ഭഗന്‍' ഹിന്ദു വികാരത്തെ വ്രണപ്പെടുത്തുന്നതാണെന്നാരോപിച്ച് ചില സംഘടനകള്‍ പ്രതിഷേധം സംഘടിപ്പിച്ചിരുന്നു. പിന്നീട് മാപ്പ് പറയാമെന്ന സമ്മതിച്ചതിനെ തുടര്‍ന്നാണ് പ്രതിഷേധം അവസാനിച്ചത്. അതോടെ എഴിത്തു നിര്‍ത്തുകയാണെന്ന്് അദ്ദേഹം പ്രഖ്യാപിച്ചു.

എന്നാല്‍ പെരുമാള്‍ മുരുകന്റെ മാതൊരു ഭഗന്‍ പിന്‍വലിക്കേണ്ടതില്ലെന്ന് മദ്രാസ് ഹൈ്‌ക്കോടതി ഉത്തരവിറക്കിയിരുന്നു.