ഗൂഡല്ലൂര്‍: അജ്ഞാത വാഹനം ഇടിച്ച് കാട്ടാടിന് പരുക്കേറ്റു. ഗൂഡല്ലൂര്‍-സുല്‍ത്താന്‍ ബത്തേരി അന്തര്‍സംസ്ഥാന പാതയിലെ രണ്ടാംമൈലില്‍ വച്ച് ഇന്നലെ ഉച്ചക്ക് രണ്ടിനാണ് അഞ്ച് വയസ് പ്രായമുള്ള പെണ്‍ കാട്ടാടിനെ അജ്ഞാത വാഹനം ഇടിച്ചത്.
 വിവരമറിഞ്ഞ് സ്ഥലത്തെത്തിയ ഗൂഡല്ലൂര്‍ റെയ്ഞ്ചര്‍ ശെല്‍വരാജിന്റെ നേതൃത്വത്തിലുള്ള വനപാലക സംഘം കാട്ടാടിനെ ഗൂഡല്ലൂര്‍ ഈട്ടിമൂലയിലേക്ക് കൊണ്ടുപോയി. ഡോ. വിജയരാഘവന്റെ നേതൃത്വത്തിലുള്ള വനപാലക സംഘം കാട്ടാടിന് ചികിത്സ നല്‍കിവരുന്നു. വനം വകുപ്പ് അന്വേഷണം ആരംഭിച്ചു.