ന്യൂയോര്‍ക്ക്: യു.എസിലെ ടെക്‌സാസില്‍ ട്രക്കിനുള്ളില്‍ 42 മൃതദേഹങ്ങള്‍ കണ്ടെത്തി. ടെക്‌സസിലെ സാന്‍ അന്റോണിയോയിലാണ് ഞെട്ടിക്കുന്ന സംഭവം. മെക്‌സിക്കോയില്‍ നിന്നുള്ള അഭയാര്‍ത്ഥികളാണ് മരിച്ചതെന്നാണ് പ്രാഥമിക നിഗമനം. കനത്ത ചൂടാണ് മരണ കാരണമെന്നും വിലയിരുത്തലുകളുണ്ട്. ഇന്നലെ ഇവിടെ 39.4 ഡിഗ്രി സെല്‍ഷ്യസായിരുന്നു താപനില. കുറച്ചുപേരെ ആശുപത്രിയില്‍ പ്രവേശിച്ചിട്ടുണ്ട്.

മെക്‌സിക്കന്‍ അതിര്‍ത്തിയില്‍ നിന്ന് ഏകദേശം 250 കിലോമീറ്റര്‍ അകലെയാണ് പ്രദേശം.
നഗരത്തിന്റെ തെക്കന്‍ പ്രാന്ത പ്രദേശത്തുള്ള റെയില്‍വേ ട്രാക്കിന് സമീപമാണ് ട്രക്ക് കണ്ടെത്തിയത്.