കോട്ടയം: നഗരത്തിലെ ആകാശ നടപ്പാത (സ്‌കൈവാക്ക്) രണ്ടാം ഘട്ട നിര്‍മാണം ആരംഭിച്ചു. ഇതിന്റെ ഭാഗമായി നാളെ മുതല്‍ സെപ്റ്റംബര്‍ അഞ്ച് വരെ രാത്രി 9.30 മുതല്‍ രാവിലെ 5.30 വരെ നഗരത്തില്‍ ഗതാഗത നിയന്ത്രണം ഏര്‍പ്പെടുത്തും.
ഏറ്റുമാനൂര്‍ ഭാഗത്ത് നിന്നും വരുന്ന വാഹനങ്ങള്‍ നാഗമ്പടം ബസ് സ്റ്റാന്‍ഡിന് സമീപം  ഇടതുവശത്തുളള റോഡില്‍ കൂടി ലോഗോസ് ജംഗ്ഷന്‍ വഴി ടൗണിലേക്ക് പോകണം. ചിങ്ങവനം ഭാഗത്ത് നിന്നും വരുന്ന വാഹനങ്ങള്‍ ജോസ്‌കോ ജംഗ്ഷനില്‍ നിന്നും ഇടത്തേയ്ക്ക് തിരിഞ്ഞ് തിരുനക്കര അമ്പലത്തിനു സമീപമുളള ശ്രീനിവാസ അയ്യര്‍ റോഡ് വഴി പോകണം. വാഹനയാത്രക്കാരെ ബാധിക്കാത്തവിധം പൊലിസ് സഹായത്തോടെയാണ് ഗതാഗതം നിയന്ത്രിക്കുന്നത്.