ബാക്കിവന്ന ചോറ് ഫ്രിഡ്ജില്‍ വെച്ച ശേഷം ചൂടാക്കി കഴിക്കാറുണ്ടോ?

നമ്മുടെ വീടുകളില്‍ മിക്കപ്പോഴും മിച്ചം വരുന്ന ഭക്ഷണ സാധനങ്ങള്‍ റഫ്രിജറേറ്ററില്‍ സൂക്ഷിച്ച് വീണ്ടും ഉപയോഗിക്കാറുണ്ട്. അത്തരത്തില്‍ സൂക്ഷിക്കുന്ന ഒന്നാണ് ചോറ്. ചോറ് ഫ്രിഡ്ജില്‍ സൂക്ഷിച്ച് പിറ്റേ ദിവസം ചൂടാക്കി കഴിക്കുന്നത് മലയാളിയുടെ ശീലമാണ്. എന്നാല്‍ ചോറ് സൂക്ഷിക്കുമ്പോള്‍ ചെയ്യേണ്ട കാര്യങ്ങളെ കുറിച്ച് ആര്‍ക്കും കൃത്യമായ അറിവില്ല.

ചോറ് കൃത്യമായി സൂക്ഷിച്ചില്ലെങ്കില്‍ പിറ്റേ ദിവസത്തേക്ക് കേടാവുകയും പിന്നീട് ഭക്ഷ്യവിഷബാധ ഉണ്ടാവാനിടയാവുകയും ചെയ്യും. ചോറ് ഫ്രിഡ്ജില്‍ സൂക്ഷിക്കുകയാണെങ്കില്‍, അത് വായു കടക്കാത്ത പാത്രത്തിലാണെന്ന് ഉറപ്പാക്കുക.

ശരിയായ ഊഷ്മാവിലാണ് ചോറ് പാകം ചെയ്തതെങ്കില്‍ 3,4 ദിവസം വരെ ഫ്രഷ് ആയി നിലനില്‍ക്കും. വേവിച്ച അരി അഞ്ച് ഡിഗ്രി സെല്‍ഷ്യസിലോ അതിനു താഴെയോ സൂക്ഷിക്കണം.

ഫ്രിഡ്ജില്‍ വച്ച ചോറ് വീണ്ടും ഉപയോഗിക്കുമ്പോള്‍ അത് വീണ്ടും ചൂടാക്കാന്‍ മറക്കരുത്. ചോറ് ഫ്രഡ്ജില്‍ വച്ചിട്ട് അത് കൃത്യമായ ഊഷ്മാവില്‍ ചൂടാക്കിയില്ലെങ്കില്‍ ബാക്ടീരിയ പോകില്ല. ഈ ഭക്ഷണം കഴിക്കുന്നതിലൂടെ മറ്റ് ആരോഗ്യ പ്രശ്‌നങ്ങള്‍ അനുഭവപ്പെട്ടേക്കാം. ശരിയായ ഊഷ്മാവില്‍ സൂക്ഷിക്കാത്ത ചോറ് കഴിക്കുന്നത് മൂലം വയറിളക്കത്തിനും ഛര്‍ദ്ദിക്കും കാരണമാകും. ഒരിക്കലും ചൂടോടെയുള്ള ചോറ് ഫ്രിഡ്ജില്‍ സൂക്ഷിക്കാന്‍ പാടില്ല. അതിന്റെ ചൂട് തണിഞ്ഞെന്ന് ഉറപ്പുവരുക്കണം.