മണ്ണാര്‍ക്കാട്: ഓപ്പറേഷന്‍ അനന്തയുടെ തുടര്‍പ്രവര്‍ത്തനങ്ങള്‍ അനന്തമായി നീളുന്നതില്‍ പ്രതിഷേധിച്ച് മുസ്‌ലിം യൂത്ത് ലീഗ് മണ്ണാര്‍ക്കാട് നിയോജക മണ്ഡലം കമ്മിറ്റി ഇന്ന് രാവിലെ 10.30 ന് താലൂക്ക് ഓഫിസിലേക്ക് മാര്‍ച്ച് നടത്തും. നെല്ലിപ്പുഴയില്‍ നിന്നാണ് പ്രതിഷേധ മാര്‍ച്ച് തുടങ്ങുന്നത്. എ.എസ്.പി പട്ടയങ്ങളിന്‍മേലുള്‍പ്പെടെ അനിശ്ചിതത്വം അവസാനിപ്പിക്കണമെന്നും, വാട്ടര്‍ അതോറിറ്റിയും ടെലികോം വകുപ്പും ഓപ്പറേഷന്‍ അനന്തയുടെ തുടര്‍ പ്രവര്‍ത്തനങ്ങള്‍ക്ക് സഹായകമായ നിലപാട് സ്വീകരിക്കണമെന്നും ആവശ്യപ്പെട്ടു കൊണ്ടാണ് യൂത്ത് ലീഗ് താലൂക്ക് ഓഫിസിലേക്ക് സൂചനാ സമരം നടത്തുന്നത്.