ദുബൈ: രണ്ട് വര്‍ഷം മുമ്പ് യു.എ.ഇയില്‍ കൊവിഡ് ബാധിച്ച് മരിച്ച തമിഴ്‌നാട് സ്വദേശി രാജ്കുമാര്‍ തങ്കപ്പന്റെ ചിതാഭസ്മം ഒടുവില്‍ ജന്മനാട്ടിലേക്ക്.യു.എ.ഇയില്‍ ആരോഗ്യ,സാമൂഹ്യ മേഖലയില്‍ പ്രവര്‍ത്തിക്കുന്ന കോഴിക്കോട് സ്വദേശി താഹിറ കല്ലുമുറിക്കലാണ് വെള്ളിയാഴ്ച രാജ്കുമാറിന്റെ ചിതാഭസ്മവുമായി കന്യാകുമാരിയിലെത്തുന്നത്. ചിതാഭാസ്മം നാട്ടിലെത്തിക്കുന്നതിനുള്ള ചെലവ് വഹിക്കുന്നത് ലുലു ഗ്രൂപ്പിലെ സെയില്‍സ് ഡയരക്ടര്‍ നന്ദകുമാറാണ്. നടപടിക്രമങ്ങള്‍ പൂര്‍ത്തീകരിച്ച് ഇന്ന് രാത്രി താഹിറ തിരുവനന്തപുരത്തേക്ക് വിമാനം കയറുമെന്നാണ് റിപ്പോര്‍ട്ട്. പിതാവിന്റെ ചിതാഭസ്മം സ്വീകരിക്കാനുള്ള കാത്തിരിപ്പിലാണ് രാജ്കുമാറിന്റെ മക്കള്‍.