തിരുവനന്തപുരം: കെ.എസ്.ആര്‍.ടി.സി സര്‍വീസ് പുനക്രമീകരിച്ചതില്‍ പ്രതിഷേധിച്ച് ഡ്യൂട്ടി ബഹിഷ്‌കരിച്ച് സമരം ചെയ്തവരുടെ ശമ്പളം പിടിക്കാന്‍ തീരുമാനം. കോര്‍പ്പറേഷന് നഷ്ടം ഉണ്ടാക്കിയ ജീവനക്കാരില്‍ നിന്നും തുക തിരിച്ചു പിടിക്കാന്‍ സിഎംഡിയാണ് ഉത്തരവിറക്കിയത്.

111 ജീവനക്കാരുടെ ശമ്പളത്തില്‍ നിന്നും 9,49,510 രൂപ 5 തുല്യ ഗഡുക്കളായി തിരിച്ചു പിടിക്കാനാണ് ഉത്തരവ്. ജൂണ്‍ 26 ന് സര്‍വീസ് മുടക്കിയ പാപ്പനംകോട്, വികാസ് ഭവന്‍, സിറ്റി, പേരൂര്‍ക്കട ഡിപ്പോകളിലെ ജീവനക്കാരാണ് നടപടിക്ക് വിധേയരായത്.