തൃശ്ശൂര്‍: ആളൂര്‍ ബലാത്സംഗ കേസില്‍ പീഡനത്തിനിരയായ യുവതി മുഖ്യമന്ത്രിക്കും ഡി.ജി.പിക്കും പരാതി നല്‍കി. തൃശൂര്‍ റൂറല്‍ എസ.്പി ജി പൂങ്കുഴലി അന്വേഷണം അട്ടിമറിക്കാന്‍ ശ്രമിച്ചെന്നാണ് പരാതി. ആളൂര്‍ സി.ഐക്കെതിരെയും യുവതി പരാതി നല്‍കിയിട്ടുണ്ട്. ഇരുവര്‍ക്കുമെതിരെ മാതൃകാപരമായ നടപടി സ്വീകരിക്കണമെന്നാണ് ആവശ്യം.
കായിക താരം മയൂഖ ജോണിയാണ് ഈ കേസിനെക്കുറിച്ച് ആരോപണങ്ങള്‍ ഉന്നയിച്ച് വീണ്ടും ഉയര്‍ത്തിക്കൊണ്ടുവന്നത്. അതേ സമയം പ്രതി ജോണ്‍സന്‍ ഒളിവിലാണെന്നാണ് അന്വേഷണ സംഘം അറിയിച്ചത്. പ്രതിയുടെ വീട്ടിലെത്തിയ സംഘം വീട്ടുകാരുടെ മൊഴിയെടുത്തു.

കേസന്വേഷണത്തിന്റെ തുടക്കത്തില്‍ നല്ല പിന്തുണ നല്‍കിയ എസ.്പി പൂങ്കുഴലി പിന്നീട് ഇരയായ തന്നെ അപമാനിക്കുന്ന രീതിയില്‍ സംസാരിച്ചുവെന്നും അദ്ദേഹത്തിന്റെ കീഴില്‍ നീതിപൂര്‍വമായ അന്വേഷണം നടക്കുമെന്ന് പ്രതീക്ഷയില്ലെന്നും പരാതിയില്‍ ചൂണ്ടിക്കാട്ടുന്നു.