തിരുവനന്തപുരം • സപ്ലിമെന്ററി അലോട്ട്മെന്റ് കഴിഞ്ഞ ദിവസം അവസാനിച്ചതോടെ സ്‌കൂൾതല ഒഴിവുകൾ ഇന്ന് രാവിലെ ഒൻപതോടെ പ്രസിദ്ധീകരിക്കും. ഇതനുസരിച്ച് ഏകജാലകം വഴി മെറിറ്റ് ക്വാട്ടയിൽ പ്രവേശനം നേടിയ വിദ്യാർഥികൾക്ക് സ്‌കൂൾ-കോംബിനേഷൻ മാറ്റത്തിന് അപേക്ഷിക്കാം.
പ്രവേശനം നേടിയ ജില്ലയ്ക്കകത്ത് സ്‌കൂൾ മാറ്റത്തിനോ, കോംപിനേഷൻ മാറ്റത്തോടെയുള്ള സ്‌കൂൾ മാറ്റത്തിനോ, സ്‌കൂളിലെ മറ്റൊരു കോംപിനേഷനിലേയ്‌ക്കോ വിദ്യാർഥികൾക്ക് മാറാം. Apply for School/Combination Transfer എന്ന ലിങ്കിലൂടെ നാളെ (സെപ്തംബർ 16) വൈകീട്ട് അഞ്ചു വരെ അപേക്ഷ ഓൺലൈനായി സമർപ്പിക്കാം. അതനുസരിച്ചുള്ള മാറ്റത്തിനു ശേഷം അലോട്‌മെന്റ് ലഭിക്കാത്തവർക്കായി ഒരു സപ്ലിമെന്ററി അലോട്‌മെന്റ് കൂടി ഉണ്ടാകും.
പ്ലസ് വൺ പ്രവേശനത്തിനുള്ള അവസാന അവസരമാകും ഇത്. വി.എച്ച്.എസ്.ഇ ആദ്യ സപ്ലിമെന്ററി അലോട്‌മെന്റ് നടപടികൾ ഇന്നലെ അവസാനിച്ചു. സ്‌കൂൾതല ഒഴിവുകൾ നാളെ പ്രസിദ്ധീകരിച്ചേക്കും.