കോഴിക്കോട്: ഡോ. മുഹമ്മദ് ത്വാഹിറുല്‍ ഖാദിരി എഴുതിയ 'ഭീകരതക്കും ചാവേര്‍ സ്‌ഫോടനങ്ങള്‍ക്കുമെതിരായ ഫത്‌വകള്‍' പുസ്തകത്തിന്റെ പ്രകാശനം ഇന്നു വൈകിട്ട് 4.30ന് കെ.പി കേശവമേനോന്‍ ഹാളില്‍ നടക്കും. ഒലിവ് പബ്ലിക്കേഷന്‍സ് പ്രസിദ്ധീകരിച്ച പുസ്തകം എം.പി വീരേന്ദ്രകുമാര്‍ എം.പി എഴുത്തുകാരന്‍ ഹമീദ് ചേന്ദമംഗല്ലൂരിന് നല്‍കിയാണ് പ്രകാശനം നിര്‍വഹിക്കുന്നത്. ഡോ. എം.കെ മുനീര്‍ എം.എല്‍.എ അധ്യക്ഷനാകും. ഡോ. ഫസല്‍ ഗഫൂര്‍, കെ.എം ഷാജി എം.എല്‍.എ, സി.പി ജോണ്‍, മുഹമ്മദ് ഫൈസി ഓണംപിള്ളി, എം.എ അബ്ദുല്‍ മജീദ് സ്വലാഹി പങ്കെടുക്കും.