കോഴിക്കോട്: താമരശ്ശേരിയില്‍ കാണാതായ എട്ട് വയസ്സുകാരന്റെ മൃതദേഹം പുഴയില്‍ നിന്നും കണ്ടെത്തി. താമരശ്ശേരി അണ്ടോണിയില്‍ വെള്ളച്ചാല്‍ വി സി അഷ്റഫിന്റെ മകന്‍ മുഹമ്മദ് അമീന്റെ മൃതദേഹമാണ് സമീപത്തെ പുഴയില്‍ നിന്നി കണ്ടെത്തിയത്. ഇന്നലെ ഉച്ചയോടെയാണ് കുട്ടിയെ കാണാതായത്. ഇന്നലെ മുതല്‍ പൊലീസും ഫയര്‍ഫോഴ്സും കുട്ടിക്കായി തിരച്ചില്‍ നടത്തിവരികയായിരുന്നു. ഇന്നു രാവിലെയാണ് കുട്ടിയുടെ മൃതദേഹം പുഴയില്‍ കണ്ടെത്തിയത്. മൂന്നാം ക്ലാസ് വിദ്യാര്‍ത്ഥിയാണ് മുഹമ്മദ് അമീന്‍.