മാണ്ഡ്യ (കര്‍ണാടക): ഹിന്ദി മാത്രമായി ദേശീയ ഭാഷയാക്കാന്‍ ഉദ്ദേശിക്കുന്നില്ലെന്ന് വ്യക്തമാക്കി രാഹുല്‍ ഗാന്ധി. കന്നഡ ഉള്‍പ്പെടെയുള്ള പ്രാദേശിക ഭാഷകളുടെ പ്രധാന്യം കുറയ്ക്കുന്ന സമീപനം ഉണ്ടാവില്ലെന്നും അദ്ദേഹം സൂചിപ്പിച്ചു. ഭാരത് ജോഡോ യാത്രക്കിടെ കര്‍ണാടകയില്‍ വിദ്യാഭ്യാസ സ്ഥാപനങ്ങളുടെ പ്രതിനിധികളുമായും അധ്യാപകരുമായും സംവദിക്കുകയായിരുന്നു അദ്ദേഹം.

എല്ലാവരുടെയും മാതൃഭാഷ പ്രധാനമാണെന്നും എല്ലാ ഭാഷകളെയും ബഹുമാനിക്കുന്നുവെന്നും എല്ലാവര്‍ക്കും ഭരണഘടനാപരമായ അവകാശമുണ്ടെന്നും രാഹുല്‍ ഗാന്ധി വ്യക്തമാക്കിയതായി കോണ്‍ഗ്രസ് നേതാവും മുന്‍ മന്ത്രിയുമായ പ്രിയന്‍ക് ഖാര്‍ഗെ മാധ്യമങ്ങളോട് പറഞ്ഞു.