കൊച്ചി: ഒറ്റയ്ക്ക് താമസിച്ചിരുന്ന യുവതിയെ അപ്പാര്‍ട്‌മെന്റില്‍ മരിച്ച നിലയില്‍ കണ്ടെത്തി. കൊല്ലം ഓച്ചിറ പുലംപള്ളി വീട്ടില്‍ ബിന്ദുവിനെയാണ്(42) മരിച്ചനിലയില്‍ കണ്ടെത്തിയത്. എറണാകുളം മോട്ടര്‍ ആക്‌സിഡന്റ് ക്ലെയിം ട്രൈബ്യൂണല്‍(എംഎസിടി) ഉദ്യോഗസ്ഥയായിരുന്നു. പത്തടിപ്പാലം പാരിജാതം റോഡിനു സമീപത്തെ അപ്പാര്‍ട്‌മെന്റിലാണ് താമസിച്ചിരുന്നത്.

എല്ലാദിവസവും സഹോദരനെ ഫോണില്‍ വിളിക്കുമായിരുന്ന ബിന്ദു ശനിയാഴ്ച വിളിച്ചില്ല. തുടര്‍ന്നു നടത്തിയ പരിശോധനയിലാണ് അടുക്കളയ്ക്കു സമീപം വീണുകിടക്കുന്നതു കണ്ടത്. ഹൃദയസ്തംഭനമാണു കാരണമെന്നു കരുതുന്നതായി ബന്ധുക്കള്‍ പറഞ്ഞു.
പൊലിസും ബന്ധുക്കളുമെത്തി മൃതദേഹം എറണാകുളം മെഡിക്കല്‍ കോളജ് ആശുപത്രിയിലേക്കു മാറ്റി. പോസ്റ്റ്‌മോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങി.