തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാന്‍ മുന്‍മുഖ്യമന്ത്രി വി.എസ് അച്യുതാനന്ദനെ വീട്ടിലെത്തി സന്ദര്‍ശിച്ചു. കഴിഞ്ഞ ദിവസം 99 ാം പിറന്നാള്‍ ആഘോഷിച്ച അച്യുതാനന്ദനെ നേരില്‍ കണ്ട് ആശംസ നേരുന്നതിനാണ് ഗവര്‍ണര്‍ എത്തിയത്.

രാവിലെ പത്ത് മണിയോടെ തിരുവനന്തപുരം കുന്നുകുഴിയിലെ വേലിക്കകത്ത് വീട്ടിലെത്തിയ ഗവര്‍ണര്‍ പത്തുമിനിറ്റ് ചെലവഴിച്ച് മടങ്ങി.

തിരുവനന്തപുരത്ത് ഇല്ലാതിരുന്നതിനാല്‍ ജന്‍മദിനത്തിന് വിഎസിനെ നേരിട്ട് കണ്ട് ആശംസ അറിയിക്കാന്‍ കഴിഞ്ഞില്ല. അതിനാലാണ് ഇന്ന് വിഎസിന്റെ വീട്ടിലെത്തിയതെന്ന് രാജ്ഭവന്‍ വൃത്തങ്ങള്‍ അറിയിച്ചു.

വിസിമാരെ നീക്കുന്നത് സംബന്ധിച്ച ഹൈക്കോടതി ഉത്തരവിലെ പ്രതികരണത്തിനായി മാധ്യമങ്ങള്‍ സമീപിച്ചെങ്കിലും പരസ്യ പ്രതികരണത്തിനില്ലെന്ന നിലപാടിലാണ് അദ്ദേഹം..