ദുബൈ: വിശുദ്ധ ഖുര്‍ആന്‍ ഉല്‍കൃഷ്ട സമൂഹ നിര്‍മിതിക്ക് എന്ന ലക്ഷ്യത്തില്‍ പ്രവൃത്തിക്കുന്ന ഇറിത്താഖ്( ഇന്റര്‍ നാഷണല്‍ റിസര്‍ച്ച് ഇന്‍സ്റ്റിറ്റ്യൂട്ട് ഫോര്‍ തഫ്‌സീറുല്‍ ഖുര്‍ആന്‍) ന്റെ ആഭിമുഖ്യത്തില്‍ ശംസുല്‍ഉലമ അനുസ്മരണവും കണ്‍വന്‍ഷനും നടത്തുന്നു. ഒക്ടോബര്‍ 30 ഞായറാഴ്ച ഷാര്‍ജയിലെ റൂവി ഹോട്ടല്‍ അപ്പാര്‍ട്ട്‌മെന്റിലാണ് പരിപാടി. രാത്രി 8.15 ന് നടക്കുന്ന പരിപാടിയില്‍ സയ്യിദ് ശുഹൈബ് തങ്ങള്‍, ഹാഫിദ് താഹ സുബൈര്‍ ഹുദവി, അലവിക്കുട്ടി ഹുദവി തുടങ്ങിയവര്‍ പങ്കെടുക്കും. ദഅവാ സെന്റര്‍ നേതാക്കളും എസ്.കെ.എസ്.എസ്.എഫ് നേതാക്കളും പങ്കെടുക്കുമെന്ന് ഇര്‍താഖ് യു.എ.ഇ ചാപ്റ്റര്‍ ഭാരവാഹികള്‍ അറിയിച്ചു.