എം.ജി യൂണിവേഴ്‌സിറ്റിയില്‍ സര്‍ട്ടിഫിക്കറ്റുകള്‍ നഷ്ടമാകല്‍: അന്വേഷണം തുടരുന്നു: വി.സി

കോട്ടയം• ബിരുദ സര്‍ട്ടിഫിക്കറ്റ് ഫോര്‍മാറ്റുകള്‍ കാണാതായ സംഭവത്തില്‍ പൊലിസ് അന്വേഷണം തുടരുകയാണെന്നും അന്വേഷണ റിപ്പോര്‍ട്ട് ലഭിച്ചശേഷം തുടര്‍ നടപടി ആലോചിക്കുമെന്നും എം.ജി വി.സി ഡോ. സി.ടി അരവിന്ദകുമാര്‍.
സംഭവത്തില്‍ ഗാന്ധിനഗര്‍ പൊലിസ് ഉടന്‍ റിപ്പോര്‍ട്ട് നല്‍കുമെന്നാണ് പ്രതീക്ഷിക്കുന്നത്. പൊലിസ് അന്വേഷണത്തില്‍ വിശ്വാസമുണ്ട്.
അന്വേഷണത്തിന് കൂടുതല്‍ സമയം വേണമെന്ന് പൊലിസ് യൂണിവേഴ്‌സിറ്റിയെ അറിയിച്ചിരുന്നു. അന്വേഷണ റിപ്പോര്‍ട്ട് ലഭിച്ച ശേഷം മാധ്യമങ്ങളെ കാണുമെന്നും വി.സി വാര്‍ത്താസമ്മേളനത്തില്‍ പ്രതികരിച്ചു.