HOME
DETAILS

നിപാ ഭീതി ഒഴിഞ്ഞു; 10 പേരുടെ ഫലം നെഗറ്റീവ്

  
backup
September 08 2021 | 04:09 AM

%e0%b4%a8%e0%b4%bf%e0%b4%aa%e0%b4%be-%e0%b4%ad%e0%b5%80%e0%b4%a4%e0%b4%bf-%e0%b4%92%e0%b4%b4%e0%b4%bf%e0%b4%9e%e0%b5%8d%e0%b4%9e%e0%b5%81-10-%e0%b4%aa%e0%b5%87%e0%b4%b0%e0%b5%81%e0%b4%9f%e0%b5%86


കോഴിക്കോട്: ചാത്തമംഗലം ഗ്രാമ പഞ്ചായത്തിലെ പാഴൂരില്‍ നിപാ ബാധിച്ച് മരിച്ച കുട്ടിയുമായി അടുത്ത സമ്പര്‍ക്കം പുലര്‍ത്തിയ 10 പേരുടെ ഫലം നെഗറ്റീവ്. കുട്ടിയുടെ മാതാപിതാക്കള്‍ ഉള്‍പ്പെടെ അടുത്തിടപഴകിയവരുടെ ഫലമാണ് നെഗറ്റീവായതെന്ന് ആരോഗ്യമന്ത്രി വീണ ജോര്‍ജ് അറിയിച്ചു. എന്നാല്‍ ജാഗ്രതിയില്‍ തെല്ലും വിട്ടുവീഴ്ചയില്ലെന്നും ആരോഗ്യമന്ത്രി പറഞ്ഞു. പുനെ വൈറോളജി ഇന്‍സ്റ്റിറ്റ്യൂട്ടില്‍ പരിശോധിച്ച എട്ട് സാംപിളുകളിലും കോഴിക്കോട് മെഡിക്കല്‍ കോളജില്‍ പ്രവര്‍ത്തനം തുടങ്ങിയ നിപാ ലാബില്‍ പരിശോധിച്ച രണ്ട് സാംപിളുകളിലുമാണ് നിപാ വൈറസ് സാന്നിധ്യമില്ലെന്ന് സ്ഥിരീകരിച്ചത്. ചാത്തമംഗലം പാഴൂരില്‍ നിപാ ബാധിച്ച് മരിച്ച പതിമൂന്നുകാരനുമായി അടുത്തിടപഴകിയ പലര്‍ക്കും രോഗലക്ഷണങ്ങള്‍ കണ്ടതോടെ പരിശോധനാഫലം എന്താകുമെന്ന ആശങ്കയിലായിരുന്നു ഏവരും. കഴിഞ്ഞ ഞായറാഴ്ച പുലര്‍ച്ചെയാണ് നിപാ സ്ഥിരീകരിച്ച 13കാരന്‍ മരിച്ചത്.
41 പേരുടെ പരിശോധനാ ഫലം കൂടി വരാനുണ്ട്. ലക്ഷണങ്ങള്‍ കാണിക്കുന്നവരുടെ എണ്ണം 17 ആയി. എല്ലാവരുടെയും ആരോഗ്യനില തൃപ്തികരമാണ്. സമ്പര്‍ക്കപ്പട്ടികയിലുള്ളവരുടെ എണ്ണം 257 ആയി. 122 പേര്‍ കുട്ടിയുമായി അടുത്ത ബന്ധംപുലര്‍ത്തിയവരാണ്. ഇതില്‍ 51 പേരെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നിരീക്ഷണത്തില്‍ മറ്റ് ജില്ലകളില്‍ നിന്നുള്ള 35 പേരും ഉണ്ട്. ഇതില്‍ 20 പേര്‍ മെഡിക്കല്‍ കോളജില്‍ നിരീക്ഷണത്തിലാണ്. മലപ്പുറം, പാലക്കാട്, കണ്ണൂര്‍, വയനാട്, എറണാകുളം, കൊല്ലം, തിരുവനന്തപുരം ജില്ലകളിലുള്ളവരാണ് ഇവര്‍. അതേസമയം ഉറവിടം കണ്ടെത്തുന്നതിന് വവ്വാലുകളെ പരിശോധിക്കാന്‍ പ്രത്യേക ദൗത്യസംഘം ഇന്ന് ജില്ലയിലെത്തും. പ്രതിരോധ നടപടികളുടെ ഭാഗമായി പഞ്ചായത്ത് പൂര്‍ണമായി അടച്ചു. കണ്ണൂര്‍ റീജ്യണല്‍ ലാബില്‍ നിന്നുളള സംഘം ചാത്തമംഗലത്തെത്തി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."