പെരിയ; തവിഞ്ഞാലില്‍ നിന്നും വെള്ളിയാഴ്ച കാണാതായ വൃദ്ധ ദമ്പതികളെ മരിച്ച നിലയില്‍ കണ്ടെത്തി. മാനന്തവാടി കൊയിലേരി കുളപ്പുറത്ത് കുഞ്ഞേപ്പ് എന്ന ജോസഫ് (83), ഭാര്യ അന്നക്കുട്ടി എന്ന ലില്ലി (74) എന്നിവരാണഅ മരിച്ചത്. പെരിയ പേരിയ 35 നും ഇച്ചിപ്പൊയില്‍ ഭാഗത്തിനും ഇടയിലുള്ള വനമേഖലയിലാണ് ഇരുവരെയും മരിച്ച നിലയില്‍ കണ്ടെത്തിയത്. വിഷം കഴിച്ച് ആത്മഹത്യ ചെയ്തതെന്നാണ് പ്രാഥമിക നിഗമനം.

തവിഞ്ഞാലിലെ കൊച്ചുമകന്റെ വീട്ടില്‍ വന്നശേഷം ആശുപത്രിയിലേക്ക് എന്ന് പറഞ്ഞ് പോയവരെ പിന്നീട് കാണാതാകുകയായിരുന്നു.വിവരം പുറത്തറിഞ്ഞതോടെ നാട്ടുകാരും പൊലിസും ചേര്‍ന്ന് വൈകുന്നേരത്തോടെ തിരച്ചില്‍ നടത്തിയിരുന്നെങ്കിലും കണ്ടെത്താന്‍ കഴിഞ്ഞിരുന്നില്ല. വനമേഖലയായതിനാല്‍ തുടര്‍ തിരച്ചില്‍ ഇന്ന് നടത്താന്‍ തീരുമാനിക്കുകയും ചെയ്തു. തുടര്‍ന്ന് ഇന്ന് രാവിലെ പ്രദേശവാസികള്‍ നടത്തിയ തിരച്ചിലിലാണ് മൃതദേഹങ്ങള്‍ കണ്ടെത്തിയത്. ഇവര്‍ വര്‍ഷങ്ങള്‍ക്ക് മുമ്പ് പേരിയ ഭാഗത്ത് താമസിച്ചിരുന്നു.