HOME
DETAILS

ദോഹ നഗരത്തിൽ ട്രക്കുകൾക്കും ബസുകൾക്കും ഭാഗിക വിലക്ക്; ഈ റോഡിൽ മുഴുവൻ സമയത്തേക്ക് നിരോധനം

  
backup
November 02 2023 | 10:11 AM

qatar-doha-prohited-heavy-vehicle-in-peak-time

ദോഹ നഗരത്തിൽ ട്രക്കുകൾക്കും ബസുകൾക്കും ഭാഗിക വിലക്ക്; ഈ റോഡിൽ മുഴുവൻ സമയത്തേക്ക് നിരോധനം

ദോഹ: തിരക്കേറിയ സമയങ്ങളിൽ ദോഹ നഗരത്തിൽ വലിയ വാഹനങ്ങൾക്ക് നിരോധനമേർപ്പെടുത്തി ഗതാഗത ജനറൽ ഡയറക്ടറേറ്റ്. ട്രക്കുകള്‍ക്കും 25 യാത്രക്കാരില്‍ കൂടുതലുള്ള ബസുകള്‍ക്കുമാണ് നിരോധനം. നഗരത്തിന് പുറമെ ഫെബ്രുവരി 22 റോഡില്‍ മുഴുവന്‍ സമയവും നിരോധനം ഏർപ്പെടുത്തി. എന്നാൽ തിരക്കേറിയ സമയം ഏതൊക്കെയെന്നോ എത്രനാളത്തേക്കാണ് നിരോധനം എന്നോ അധികൃതർ വ്യക്തമാക്കിയിട്ടില്ല.

അതേസമയം, വിലക്കുള്ള സമയങ്ങളിൽ അനുമതിയോടെ പ്രവേശിക്കാമെന്ന് ഗതാഗത ജനറൽ ഡയറക്ടറേറ്റ് പറയുന്നു. ട്രക്കുകൾ, 25 യാത്രക്കാരിൽ കൂടുതലുള്ള ബസുകൾ എന്നിവയ്ക്ക് വിലക്കുള്ള സമയങ്ങളിൽ പ്രവേശിക്കാൻ ബന്ധപ്പെട്ട അധികൃതരിൽ നിന്ന് എക്‌സെപ്ഷൻ എൻട്രി പെർമിറ്റ് ആണ് സ്വന്തമാക്കേണ്ടത്. ലൈസൻസിങ് അതോറിറ്റിയുടെ അനുമതിയില്ലാതെ നിരോധിത റോഡുകളിൽ പ്രവേശിച്ചാൽ 500 റിയാൽ പിഴ അടക്കേണ്ടി വരും.

എന്നാൽ, ട്രക്കുകൾക്കും വലിയ ബസുകൾക്കും ഫെബ്രുവരി 22 റോഡിൽ മുഴുവൻ സമയ വിലക്കാണ് ഏർപ്പെടുത്തിയത്. റോഡിലെ മിസൈമീർ, ഫരീജ് അൽ അലി ഇന്റർസെക്‌ഷനുകളിൽ നിന്ന് ഉം ലഖ്ബ (ലാൻഡ്മാർക്ക്) ഇന്റർചേഞ്ച് വരെ വടക്കോട്ടുള്ള പാതയുടെ ഇരുവശങ്ങളിലുമാണ് നിരോധനം.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."