കൊച്ചി: പുരാവസ്തു തട്ടിപ്പുകേസിലെ പ്രതി മോന്‍സണിനെതിരെ കെപിസിസി അധ്യക്ഷന്‍ കെ സുധാകരന്‍ പരാതി നല്‍കും. വ്യാജ ചികിത്സ നല്‍കിയതിനെതിരെയാണ് പരാതി നല്‍കുന്നത്. കൂടാതെ കേസിലേക്ക് വലിച്ചിഴച്ചതിന് പരാതിക്കാരന്‍ അനൂപിനെതിരേയും പരാതി നല്‍കും. കൊച്ചിയില്‍ അഭിഭാഷകരെ കണ്ട ശേഷമാണ് തീരുമാനം.

മോന്‍സനൊപ്പം നില്‍ക്കുന്ന ഫോട്ടോ പുറത്തു വന്നതോടെ താന്‍ മോന്‍സനെ കണ്ടുിരുന്നെന്നും ചികിത്സ തേടിയിരുന്നെന്നും കെ.സുധാകരന്‍ പറഞ്ഞിരുന്നു. ചികിത്സക്കായി 5 ദിവസമാണ് പോയത്. 10 ദിവസം പോയിട്ടില്ല. പക്ഷേ അസുഖം ഭേദമായില്ല. വ്യാജചികിത്സക്കെതിരെ നിയമ നടപടിയെടുക്കുമെന്നും അന്നു തന്നെ അദ്ദേഹം വ്യക്തമാക്കി.