ദമാം: സമസ്ത ഇസ്‌ലാമിക് സെന്റർ ഈസ്റ്റേൺ പ്രൊവിൻസ് കമ്മിറ്റി നടത്തുന്ന ത്രൈമാസ കാംപയിൻ 'തഹ്ദീസ്' പോസ്റ്റർ ലോഞ്ചിങ്ങ് ചെയ്തു. സംഘടന ശാക്തീകരണത്തിന്റെ ഭാഗമായി ത്രൈമാസ കാംപയിൻ തഹ്ദീസ് ഡിസംബർ 15 മുതൽ മാർച്ച് 15 വരെയാണ് നടക്കുക. പരിപാടിയുടെ പോസ്റ്റർ ലോഞ്ചിങ്ങ് സമസ്ത കേരള സുന്നി സ്റ്റുഡന്റ്സ് ഫെഡറേഷൻ സംസ്ഥാന പ്രസിഡണ്ട് പാണക്കാട് സയ്യിദ് ഹമീദലി തങ്ങൾ നിർവ്വഹിച്ചു.

അൽഖോബാർ എസ്‌ഐസി ഓഫീസിൽ വെച്ച് നടന്ന പരിപാടിയിൽ ഈസ്റ്റേൺ കമ്മിറ്റി പ്രസിഡണ്ട് അബ്ദുൽ നാസർ ദാരിമി ത്രൈമാസ കാംപയിനിനെ പരിചയപ്പെടുത്തി. എസ് ഐ സി ദേശീയ നേതാക്കളായ ഇബ്രാഹിം ഓമശ്ശേരി, മാഹിൻ വിഴിഞ്ഞം, ബഷീർ ബാഖവി, സയ്യിദ് സൈനുൽ ആബിദ് തങ്ങൾ പങ്കെടുത്തു. സകരിയ്യ ഫൈസി, സവാദ് ഫൈസി, മൂസ അസ്അദി, ഇല്ല്യാസ് ശിവപുരം, അബ്ദുറഹ്മാൻ പൂനൂർ, മുനീർ ദമാം, റസാഖ് കർണ്ണാടക തുടങ്ങിയ നേതാക്കൾ പരിപാടിക്ക് നേതൃത്വം നൽകി.